Nê rojanê peyênan de HPG çalakîyanê balkêşan kena.
Çalakîyanê winî kena ke dişmen nêwetano qal zî bikero. Dişmen wazeno
serê çalakîyanê HPG binimno û seke qet nêbîyê bimojno. No het ra dewlete
xo hol dîzayn kerdo. Medyaya dewlete rastiyan rast nêmojnena şaranê
Tirkîya. Labelê teknolojî raver şîyo, îmkan dano ke şarî hetanê cîya ra
zî xeberan bivîno.
Wexto ke 10ê menge de çalakîyê balkêşî amey kerdene, kesê
ke Tevgera Azadîye şinasnenê texmîn kerdêne ke bi metodêko newe HPG
çalakî viraştê. Badê ci xora HPG eşkerakerdişêk da raya pêroyî. Bi
taktîk û teknîkê newe çalakî ameyê viraştene. Yanî sey her carî na car
zî gerîla bêçare nêmenda û xo vera teknîkê şerî yê dişmenî de bihêz
kerdo. Êdî HPG her cayêk de, her wextêk de eşkeno çalakîyan virazo. Êdî
wa heme berpirsîyarê dewlete bitersê; beno ke her vîstikek de înan ser o
êrîş bêro kerdene.
Verê çekê cîya-cîya destê gerîla de estbî la çekê ke hewa
ra êrîş bikerê çin bî. Wa xeyrên bo ke çekê ma yê hewa ra êrîş kenê zî
estê. Ma vera nê dagirkeranê kambax de çirê çin bê ke!
Çalakîyanê HPGyijan seba Dewletê Yewbîyaye yê Amerîka
(DYA) zî yew cewabo pêt o. Çunke badê şerê DAÎŞ ke kurdan bi gerîla,
şervan û şarê xo ya ser vist. Dinya nê çeteyanê cinawiran dest ra reyna.
DYA yew bireyo sosret girewt ke tede seba pêşenganê şarê kurdî keno
hedef. Seba serê Cemîl Bayik, Duran Kalkan û Mûrad Karayilanî xelate
daya. No bire çend hetan ra yeno çend manayan. 1) Verê zî DYA bireyê
winasî girewtê. Badê nê bireyan ê şexsiyetî ameyê kiştene. Coka DYA
wazena zemîn meşrû bikera û badê nê hîrê pêşenganê şarê kurdî şehîd
bikera. 2) Bi no bireyê xo DYA wazena nê hîrê pêşengê şarê ma çimê şarê
ma de qij nîşan bida. 3) Xeta Tevgerê Azadîye yê îdeolojîkî hedef gêna û
wazena hetê îdeolojî ra şarê kurdî dûrî rastîya Rayberîye û PKKyî
bifîna. 4) DYA û dewletê dagirkerî wazenê Rayberîye û embazanê ci yan
bikişê yan zî bêtesîr bikerê ke şarê kurdî bikerê bin xizmeta xo, seba
xo bikar bîyarê.
Badê bire girewtişê DYA yê winasî viraştena çalakîya newe û
zaf serkewte yê. HPG bêgûman hêvîyan zêdneno. Senî DYA bi bireyê xo TC
zî bi tehdît kerdişê xo wazena Tevgerê Azadîye zeîf bikera, Tevgerê
Azadîye zî vano: “Ez esta û ez do estba.” Qandê cû HPG û HPGyijî heq
kenê ke merdim înan rê vajo biciwîyê! Merdim vajo: “Biciwîyo HPG,
biciwîyê HPGyijî˝. Heta şima estê zereyê şarê ma de hêvî herdem do gird
biba.
Badê tehdît kerdişê TC, bire vetişê DYA û viraştena
çalakîyanê HPG; ganî her welatperwer, demokrat, şorişgêr wayîrê Rayber
Apo, pêşenganê PKKyî Cemîl Bayik, Duran Kalkan û Mûrad Karayilanî
bivejîyo. Çunke Rayber Abdullah Ocalanî seba şaran yew rayîro rûmetin
mojna û şarî bi nê rayîrî xo resnenê azadîye. Cemîl Bayik Anqara ra nat
her tim kîşta Rayberîye de vindert û o temam kerd. Wexto ke Rayberîye
ame tepiştene Tevgerê Azadîye rê wayîr vejîya û nêverda Tevger xeta xo
ya xosere ra bivejîyo. Duran Kalkan yew şorişgêro tirkmen o ke Anqara ra
nat seba azadîya kurdan têkoşîn dano. Mûrad Karayilan yew fermandaro
raver o ke hêzanê leşkerî rê sergêrî keno. Qandî cû wayîr vejîyayîş yew
wezîfeyêko muhîm o. Qandê cû biciwîyo HPG!
Yorumlar
Yorum Gönder